site map - карта сайта 

Александр Шкляев

Вуоз нунал

Мон оскисько: вуоз нунал -
Кылбурчиос визьмаськозы...
Азьло дыръя мар вал, ой вал -
Тэргаськонзэс вунэтыса,
Кызьы тулыс сайка выль сад, -
Тйни озьы ик сайкаса,
Выль кылбуръёс кылдытозы.
Соку капчи луоз мылкыд!
Шулдыр изоз кылбур вуко!
Уз борд сюлэм, уз чиг ни пыд
Сисьмем пож ву локан улэ.
Удмурт калык пеймыт улэ,
Бурдъясь калык солы кулэ!
"Вуоз нунал! Мон оскисько!
Соку кизён куды кутса,
Тэргаськытэк кизьны потом.
Огмес огмы мусо карса,
Пазьгом чебер, зарни кидыс,
Шулдыр луоз аран удыс!
Гажан эшъёс! Кытын киды?
Зечесь-а? Вае чупаськом!
Вуоз нунал! Мон оскисько!
Шулдыр изоз кылбур вуко!
Кылбурчиос визьмаськозы.
Соку чигоз ошкон гозы.

 

***
Вокселы туннэ люкиським –
Зег бусы сьорозь сое келяй…
Яратымтэзэ табре валай:
Чик лулзылытэк чупаським…
Садо сюрес кузя кошкиз,
Огпол но берзэ учкытэк.
Кышетсэ но чик шоналтытэк,
Чагыр бусыосы ышиз.
Сосырмем сюлэм борсяз
Пиокуш кадь кеськиз. Чиректиз.
Жутскиз. Лобзиз. Лобзиз-шуккиськиз
Някырес бадьлэн вайесаз.
Усиз. Пересьмем бадь улэ,
Сэрпалтэм из кадь, огназ усиз…
Табере чагыр тулысэ ортчиз,
Чок! Ортчемзэ вунэтыны кулэ!



 

 


Александр Шкляев. Удмуртская литература и журналистика.
Контакты: skl-44@yandex.ru